
Манай улсад төрөл бүрийн халдварт өвчний гаралт жил ирэх тусам өсөн нэмэгдэх болсон бөгөөд бэлгийн замаар халдах өвчин түгшүүр төрүүлэх хэмжээнд хүрчээ. Тэр дундаа хүн амын дийлэнх нь амьдардаг нийслэл хотод энэ төрлийн өвчний гаралт нэлээд ихэссэн үзүүлэлт байна. 2005-2009 онд улсын хэмжээнд бүртгэгдсэн нийт бэлгийн замаар дамжих халдварт өвчний 57.5, тэмбүү өвчний 58,3, заг хүйтний 52.9, трихомониазын 61.1, төрөлхийн тэмбүү өвчний 62.7 хувь нь нийслэлд бүртгэгдсэн аж.
